Former Gov. Niel Tupas, ginpasakaan sang kaso nga Graft sang Ombudsman sa Sandiganbayan bangud sa pagpirma sang Kontrata para sa dugang nga Power supply sa patindugon kuntani nga Convention center sang 2007

Iloilo City — Ginpasaka na sang Office of the Ombudsman sa Sandiganbayan ang kaso nga graft batuk kay former Governor Niel Tupas.

Kasunod ini sa pag-disallow sang Commission on Audit (COA) sa ginbayad sang provincial government sa Greencore Geothermal Incorporated nga masobra P4-M bisan wala nakonsumo ang elektrisidad.

Nagpirma sa kontrata si Tupas sang 2007 nga magakuha ang dugang nga power supply halin sa Greencore may kaangtanan sa patindugon kuntani nga Convention Center sa tupad sang Iloilo Provincial Capitol.

Ginpahayag nga nagbayad ang provincial government sa Greencore bisan pa nga wala nadayon ang Convention Center.

Magluwas sa anay gobernador, ginpasakaan man sang kaso sanday Provincial Accountant Lyd Tupas; Assistant Provincial Accountant Sandra Bionat kag General Services Office (GSO) Head Ramy Salcedo.  (JoMaque)