Guimaras: Mag-asawa nga negosyante, nabiktima sang Budol-Budol Gang!

By: Jocelyn Gelloagan-Maque

Natontohan ang mag-asawa nga negosyante sang Budol-Budol Gang sa Barangay Agsanayan, Guimaras.

Ginpahayag nga ginpalapitan sang duha ka babaye ang negosyante nga si Juanito Sejo kag nagpakuno-kuno nga mga ahente.

Gin-engganyo sang mga suspek si Sejo nga butangan sang freezer ang iya tyangge.

Sang nagpasugot ang negosyante, ginpangayuan siya sang mga suspek sang P7,500 bilang downpayment apang P3,500 lang ang cash nga ginhatag sang mag-asawa.

Nagpasalig ang mga suspek nga idul-ong ang freezer apang tubtub subong wala pa na-deliver.

Naghatag man sang cellphone number ang duiha ka babaye apang indi na ma-contact sang gintawgan sang mag-asawa nga negosyante.