Na-recover sang task force halin sa Department of Environment and Natural Resources upod sa mga katapo sang Philippine Army kag Calinog Police Station ang masobra isa ka gatus ka gin-utod nga kahoy sang mahogany kag gimelina. Ginpahayag ni Senior Inspector Arnel Solis, hepe sang Calinog PNP, may nagpabalo sa ila nga may gindulhog nga mga troso sa sitio Dasok Barangay Alibunan. Apang pag-abot sang mga otoridad, ang ginhantal na lang nga mga troso sa kilid sang suba ang naabtan. Ginabanta sa masobra 42 mil pesos ang value sang mga troso nga na-recover. Ginkustodiya na sang 61^st IB ang mga kahoy.