Apang ginpahayag ni Ramil Atando sang PHIVOLCS-Roxas City, Capiz nga indi na masyado ka baskug kag ka damo ang mga aftershocks samtang nagaligad ang inadlaw. Suno kay Atando, kalabanan sa mga aftershocks ang indi mabatyagan sa Iloilo.

Ginpabutyag pa ni Atando nga normal lang ang aftershocks bangud wala pa nakaplastar ang duta makaligad na-displace sang linog. Masobra isa ka libo ka aftershocks na ang narecord sang PHIVOLCS tubtob kahapon kag kalabanan sa mga mabaskug ang mabatyagan sa Negros Oriental nga epicenter sang linog.

Apang nagbalibad si Celiz sa pagbuyagyag kon ilisan si Mitch Antiqueña bilang OIC sang talatapan. Suno kay Celiz, ang pagpahamtang sang bag-o nga personnel kabahin lang sa re-organization sa TMTRO bangud sang pigado nga performance.

Ipatuman ang reorganization sa TMTRO antes matapos ang Pebrero kag makilala ang bag-o nga personnel sa Maro 1.

Ginsug-alaw naman ang bangkay sag mga miembro sang pamilya Maquinto kag mga opisyal sa local government unit sang Lambunao. Ginhatag man sang banwa ang P15, ooo nga financial assistance sa pamilya sang boksidor.

Na-comatose si Maquinto pagkatapos sang iya sambowa sang damlag lang. Plano sang Amateur Boxing Association of the Philippines nga maghiwat sang necrological service bilang paghatag sang katapusan nga respeto sa boksidor.

Nagluntad ang bina-isay tubtob ginpulihan buno kag tiro sang duha ka suspek ang estudyante. Gindala pa sa ospital si Ordiales apang napatay.

Nagpalagyo naman ang mga suspek.

Base sa autopsy ni Dr. Noel Martinez, medico legal officer sa Kampo Delgado, wasak ang kinatawo ni alyas Nene bangud gindaskan sang botelya. May mga lagub man nga nakita sa suso, kamot kag iban pa nga parte sang lawas sang bikitma. Ginapatihan ni Dr. Martinez nga buhi pa ang dalagita sang gintagbong kag napatay lang bangud sa pagkalumos kag hemorrhage halin sa pilas sang iya kinatawo.

Sa pihak nga bahin, todo panghiwala sanday Jade Umadhay kag Roy Glemer sa akusasyon nga sila ang nagtagbong kay alyas Nene halin sa ibabaw sang taytay. Ginpahayag sang duha nga indi nila kilala ang biktima. Apang suno kay Sr/Insp. Rio Maymay, hepe sang Manduriao Police Station, may testigo sila nga positibo nga nag-identify sa duha ka suspek.

Nagkinaran-karan ang mga empleyado sang nagkalain-lain nga ahensya sang gobyerno kag pribado nga mga kompaniya ilabe na ang mga nahamtang sa matag-as nga buildings. Masobra man sa 700 ka aftershocks ang na-record tubtob subong  nga aga.

Gilayon ginmandu ang pagkanselar sa mga klase kag trabaho pagkatapos sang linog apang balik na sa normal ang sitwasyon subong nga aga. Ginpa-untat man ang biyahe sang mga barko, fast crafts kag cargo vessel bangud sa Tsunami Alert No. 2. Alas-2:30 kahapon sang hapon, ginbatak sang PHIVOLCS ang tsunami alert. Base sa pag-monitor sang City Disaster Risk Reduction and Management Council (CDRRMC), may mga menor nga halit sa pila ka buildings sa syudad apang indi man delikado.

Ginpanugyanan ni Janet Mesa sang PIA ang mga pumuluyo nga likawan ang pag-panic kag dapat alerto kag nakapanghanda sa pag-strike sang anuman nga kalamidad.

Sa blocktime program nga The Daily Guardian on Air sa Aksyon Radyo Iloilo, ginbuyagyag ni Department of Tourism OIC Atty. Helen Catalbas nga maga-upod sa brainstorming session ang hotel and resorts sector, tour operators, transport groups kag iban pa nga nagatanyag sang frontline service.  Ginsuhestyun ni Catalbas nga dapat tutukan ang pagdihon sang investment kag mga produkto nga itanyag sa mga turista.  Ginpanugyanan man ni Catalbas ang mga hoteliers nga i-improve ang ila mga facilidad agud maka-attract sang mga high paying nga bisita.

Gin-ako sang tourism OIC nga pabor siya sa mga casino kon gamiton sa turismo kag pabor man siya sa pagtukod sang casino sa Guimaras kon makahimo sang nagakaigo nga public consultations kag suportado sang komunidad.

Ginpahayag sang mga organizers nga magluwas sa palumbaanay sang maduagon nga mga paraw ukon sailboats sa Iloilo Straight, nakalinyada man ang madamo nga aktibidad para sa mga tumalan-aw kag tagpalasakup.

Suno sa Iloilo Paraw Regatta oundation, 50 tubtob 70 ka participants ang ila ginapa-abot nga maga-upod sa main event sa Pebrero 19. May mga special events man pareho sang jetski, beach volleyball, Frisbee, football, miniature paraw kag salom race kag madamo pa.

Ang 40^th Iloilo Paraw Regatta Festival suportado sang Iloilo city government nga nagpirma sang memorandum of agreement upod sa Iloilo Paraw Regatta Foundation. Ang ParawRegatta Festival ginkilala nga best sports tourism event sang 2009 sang Association of Tourism Officers of the Philippines.

Gin-athag ni Jeffrey Celiz, political liaison sang alkalde, nga wala ginapabungulan ni Mabilog ang mga reklamo kontra kay Antiqueña. Suno kay Celiz, gilayon ginapatawag sang alkalde si Antiqueña kon may magtuhaw nga isyu kontra sa iya. Ginpabutyag ni Celiz nga nagapamati man ang OIC kon ipatawag ni Mabilog. Suno pa kay Celiz, indi perpekto si Antiqueña kag may kahinaan man pareho sang iban nga tawo.

Samtang nagalagaw ang impormasyon nga may ginapilian na si Mayor Mabilog agud ibulos kay Antiqueña. Ginpahayag nga duha ka retirado nga opisyal sang Philippine National Police ang ginapilian agud magtal-os sa kontrobersyal nga opisyal.