Utod sang punong barangay sa barangay Poblacion Ajuy ang driver sang government vehicle nga nadakpan nagsulod sa Sofia lodging house sa Molo sang Biernes. Ini ang ginbuyagyag ni Ajuy Mayor Juancho Alvarez matapos gin-athag nga ginapanag-iyahan sang barangay Poblacion ang Nissan Urban nga green kag may plate number SJU-317 nga nadakpan nga naguwa sa lodging house. Ginmanduan na ni Mayor Alvarez si punong barangay Armando Inot Nacional nga imbestigaran ang natabu. Ginpanindugan sang alkalde nga hugot nila nga ginasunod ang patakaran nga dapat may trip ticket antes magbiyahe ang mga salakyan sang banwa. Wala sang ginpakita nga trip ticket si nacional sang nadakpan sang Biernes.