Ginreklamo sang field representative sang kompaniya sang motorsiklo si Kagawad Plaridel Nava. Suno sa tagreklamo nga si Alquen Rodel, field representative sang Rusi Motors, nagpadulong siya sa talatapan sang konsehal agud mag-request nga i-release ang motorsiklo nga ginprenda kay Nava sang isa ka Rainier Erbite. Apang ginpahayag nga naakig ang kagawad, ginli-ab kag ginhampak si Rodel sang suludlan sang laptop. Gin-alegar ginsumba pa sang bodyguard ni Nava si Rodel kag ginpahog. Lunsay naman ginpanghiwala sang konsehal ang mga alegasyon ni Rodel kag ginpahayag nga ini pa ang nagbinastos sang nagkadto sa iya opisina.