Ginlikop sang kakugmat ang mga pumuluyo sang Barangay Lawigan,  San Joaquin  matapos nagdungka sakay sa duha ka pumpboat ang indi mapa-athag nga mga tinuga nga daw kapareho sang aswang ukon alien ang hitsura, nakasutana nga puti, dalagku kag nagasiga ang mata kag ginpahayag nagtuyo magdakop sa mga kabataan nga ila nakit-an sa kilid sang baybay. Suno sa mga residente, nagatumbu-tumbo ang mga alien-looking nga tinuga kag nagasaylu-saylo sa mga kahoy. Bisan ang punong barangay sang Lawigan nga si Jocelyn Hubayon ang nagkumpirmar sa nakit-an sang iya mga pumuluyo. Ginlagas sang mga residente ang mga tinuga apang hinale nga nangindulaan.