Hit sa video sharing website nga Youtube ang video sa diin ginbutangan sang hiligaynon nga subtitle ang portion sang sikat sadto nga Mexicanovela nga “Marimar” kag gintig-uluhan nga “Confirmed! Agi si Jed”. Ang video sa diin makita nga nakibot si Marimar sang natukiban nga agi si Jed, gin-upload sang Enero 28 subong nga tuig sang nagpakilala nga Carmelo Carreon, edad 40 anyos. Ginbutang man dire ang ginpahayag pagkawat sang gintumod nga Jed sang microscope sa UP High School. Madumduman ang amo nga mga isyu, ginhaboy man batok kay Vice Mayor kag karon Mayoralty bet Jed Patrick Mabilog. May kaangtanan sini nagapati si Carmelo “Mel” Carreon, kandidato Bise Alkalde sa siyudad nga popularidad ang rason sang paggamit sa iya pangalan sa youtube. Ginpanghiwala ni Carreon ang kahilabtanan sa Ilonggo version sang Marimar. Suno kay Carreon, wala siya sang ihibalo dire bangud wala siya sang hinalung-ong sa internet.

Hit sa video sharing website nga Youtube ang video sa diin ginbutangan sang hiligaynon nga subtitle ang portion sang sikat sadto nga Mexicanovela nga “Marimar” kag gintig-uluhan nga “Confirmed! Agi si Jed”. Ang video sa diin makita nga nakibot si Marimar sang natukiban nga agi si Jed, gin-upload sang Enero 28 subong nga tuig sang nagpakilala nga Carmelo Carreon, edad 40 anyos. Ginbutang man dire ang ginpahayag pagkawat sang gintumod nga Jed sang microscope sa UP High School. Madumduman ang amo nga mga isyu, ginhaboy man batok kay Vice Mayor kag karon Mayoralty bet Jed Patrick Mabilog. May kaangtanan sini nagapati si Carmelo “Mel” Carreon, kandidato Bise Alkalde sa siyudad nga popularidad ang rason sang paggamit sa iya pangalan sa youtube. Ginpanghiwala ni Carreon ang kahilabtanan sa Ilonggo version sang Marimar. Suno kay Carreon, wala siya sang ihibalo dire bangud wala siya sang hinalung-ong sa internet.