IDU NAGTIGBAYLO SA BABAYE, GINAPASUNI ASWANG SA ISA KA BANWA SA ILOILO ?Comments Off

Naglapta ang balita nahanungod sa aswang sa Barotac Viejo Iloilo. Ginpasuni may idu nga nadakpan ang mga residente sa isa ka barangay sa nasambit nga banwa kag ila ginsulod sa sako, ginlampusan tubtob napatay agud kuntani isumsuman.Nakibot ang grupo sang mga kalalakihan nga nagpatay sa idu bangud sang ila ginbuksan ang sako nagtigbaliw ang idu sa isa ka babaye nga ginabanta nagaedad sang masobra 50 anyos. Bangud sang nasambit nga balita gindugukan sang pumuluyo ang isa ka punerarya agud maglantaw kun dire gindala ang ginapasuni aswang nga babaye nga napatay. Apang suno sa tag-iya sang punerarya madugay na nga estorya ang balita bangud  wala man sang gindala sa ila funeral parlor nga aswang. May mga balita pa nga nagalagaw nga ginpalikaw sang pamilya ang bangkay sang babaye sa Dumangas Iloilo agud indi pagdugukan sang tawo.