LIMA KA MIYEMBRO SANG BASAG KOTSE GANG NGA NADAKPAN SA JARO, NAKAGUWA NA SA PRESUHANComments Off

Ginhilway na ang lima ka miyembro sang Basag Kotse Gang nga nadakpan sa Jaro sang damlag lang. Ini matapos nagpyansa sanday Arvin Pablico, Faustino Lumaniog, Francisco Reyes, Benjamin Salvacion kag ginatudlo leader sang grupo nga si Jade Cariño. Suno kay Chief Inspector Orly Gabinete, hepe sang Jaro Police Station, gin-paguwa sa presuhan ang lima ka suspek santu sa mandu sang korte. Ginpahayag ni Gabinete, pamilya sang mga suspetsado ang nagpyansa para sa ila kahilwayan sa bulig sang ila abogado nga si Atty. John Mark Espera. Ginalauman nga mapauli ang mga ini sa ila tagsa ka lugar apang mabalik sa iloilo para sa hearing sang ila kaso. Madumduman ang mga suspetsado nadakpan sa follow-up operation sang kapulisan sa gina-tiniran nila nga hotel sa Lopez Jaena, Jaro matapos nagpangbiktima sang lima ka salakyan sa sulod sang isa lang ka adlaw