Liwat magapadulong sa Manila ang Tribu Paghidaet, nagkampeon sa ati tribe competition kag Tribu Kasag sang Banate nga nagpangibabaw sa Kasadyahan sang Dinagyang Festival 2010 agud magpasundayag sa Aliwan Fiesta sang Manila Broadcasting Company (MBC). Ang imbitasyon pormal nga ginpalab-ut sang MBC sa duha ka tribu sa ginhiwat nga awarding ceremonies sang Dinagyang. Magluwas sa Paghidaet kag Kasag, gin-imbitaran man ang ginkoronahan nga Miss Dinagyang 2010 nga si Angelie Joy Golingay agud magpasakop sa Reyna ng Aliwan 2010. Ang Aliwan Fiesta, tuigan nga aktibidad sang MBC sa Manila sa diin naga-pa-indis-indis ang mga nag-kampeon nga festivals sa bug-os nga pungsod kabangdanan ginbansagan nga Fiesta of Festivals. Nagahulat ang isa ka milyon ka pesos nga cash prize sa magadaug. Ang MBC nagapanag-iya sang mga Aksyon Radyo Stations sa Pilipinas kalakip na ang Aksyon Radyo Iloilo.

Ati-Ati Competition
Major Awards
Champion -Tribu Paghidaet (Lapaz National High School)
1st Runner-Up -Tribu Bola-bola (Province of Iloilo/Dep-ed Div. of Iloilo
2nd Runner-Up -Tribu Pan-ay (Fort San Pedro Nat’l High School)
3rd Runner-Up -Tribu Salognon (Jaro Nat’l High School)
4th Runner-Up -Tribu Silak (Iloilo City Nat’l High School)

Minor Awards
Best In Performance -Tribu Paghidaet (Lapaz Nat’l HS)
Best In Choreography -Tribu Paghidaet (Lapaz Nat’l HS)
Best In Music -Tribu Paghidaet (Lapaz Nat’l HS)
Best In Costume -Tribu Paghidaet (Lapaz Nat’l HS)
Best In Street Dancing -Tribu Pan-ay (Fort San Pedro National HS)
Best In Discipline -Tribu Pan-ay (Fort San Pedro National HS)

Special Awards
Best Costume -Tribu Paghidaet (Lapaz Nat’l HS)
Best Costume Designer -Tribu Paghidaet (Lapaz Nat’l HS)
Best In Headdress -Tribu Paghidaet (Lapaz Nat’l HS)
Best Choreographer -Tribu Paghidaet (Lapaz Nat’l HS)

Kasadyahan Competition
Champion -Tribu Kasag (Banate)
1st Runner-Up -Tribu Tubong-tubong (Tubungan)
2nd Runner-Up -Tribu Patubas (Brtc Viejo)
3rd Runner-Up -Tribu Pantat (Zarraga)
4th Runner-Up -Tribu Mandurriaonon (MNHS)
Consolation Prize -Tribu Tinuom (Cabatuan)

Minor Awards
Best In Performance -Tribu Kasag (Banate)
Best In Choreography -Tribu Kasag (Banate)
Best In Music -Tribu Kasag (Banate)
Best In Costume -Tribu Kasag (Banate)
Best In Street Dancing -Tribu Patubas (Brtc Viejo)
Best Choreographer -Rommel Flogen-Tribu Kasag (Banate)

Tambor Trumpa Martsa Musika
Elementary Level
Champion -Guimbal Central School
1st Runner-Up -Dingle Central School
2nd Runner-Up -Alibango Elementary School

Secondary Level
Champion -Iloilo City Nat’l HS
1st Runner-Up -Guimbal Nat’l HS
2nd Runner-Up -New Lucena Nat’l HS

Marching Band
Champion -Alimodian Nat’l Comp. HS
1st Runner-Up -Sun Yet Zen HS

Luces In The Sky
Champion -Chintang Fireworks (Bulacan)
1st Runner-Up -DSS Fireworks (Dumaguete City)
2nd Runner-Up -Supreme Firewokrs (Iloilo City)

Nag-abot na sa Iloilo ang imahen sang Senior Sto Niño de Cebu halin sa siyudad sang Cebu. Ginsugat ini sang mga estudyante kag sang mga nagapasakop nga tribu sa Dinagyang Festival 2010 para sa foot procession sang imahen tubtob sa San Jose Parish Church. Ginsundan ini sang Sto Niño mass. May kaangtanan sini, ginsiraduhan ang trapiko halin sa Arrastre area padulong sa Sto. Rosario-Duran kag Plaza Libertad tubtob natapos ang prusisyon. Sa Biernes, Enero 22, may patigayunon man nga fluvial procession sa Iloilo River bilang pagpasidungog sa imahen sang Sto. Niño de Cebu. Ang fluvial procession magahalin sa Fort San Pedro kag magatapos sa Customs House sa likod sang Freedom Grandstand.

Ginconfirmar ni Iloilo City Tourism Officer Ben Jimena ang handum sang siyudad nga makasulod sa Guinness Book of World Records ang “Salvo of a Thousand Drums” sang Dinagyang Festival 2010. Ini pagahiwaton sa Freedom Grandstand sa Enero 22. Ginpahayag ni Jimena, magatipon ang mga contestants sa “Tambor, Trumpa, Martsa, Musika” upod ang 16 ka mga tribu nga nagapasakop sa ati-ati contest. Dululungan ang mga ini nga magatukar sang ila tagsa ka musical piece kag may conductor nga magapanguna sa ila. Ang “Salvo of a Thousand Drums” amo ang magaserbe senyales sang pagsugod sang “Tambor, Trumpa, Martsa, Musika” .

Gindugukan sang mga Ilonggo ang opening salvo sang Dinagyang Festival 2010. Napuno sang mga tumalan-aw ang mga mayor nga dalanon sa siyudad nga gin-agyan sang mga tribu nga nagpasundayag. Patilaw pa lamang ang ginpakita sang mga tribu apang gindayaw kag ginpalakpakan sang mga tumalan-aw. Antes nagparada ang mga tribu, may ginhiwat nga malip-ut nga programa sa freedom grandstand sa diin pormal nga ginbuksan ni Mayor Jerry Treñas ang festival. Halin sa nagkalain-lain nga judging areas, nagtipon sa grandstand ang mga tribu kag dululungan nga ginsaksihan ang fireworks display. 16 ka mga tribu ang magapasakop sa ati ati-contest sa Enero 24.

Ginbalik sa carpark sang daku nga mall sa Diversion Road sa Mandurriao ang pagahiwaton nga Luces in the Sky sang Dinagyang Festival 2010 sa Enero 22 kag 23. Ginpahayag ni Iloilo City Tourism Officer Ben Jimena, sayluhon kuntani sa Iloilo Boulevard ang Luces in the Sky apang nadesisyunan nga ibalik sa car park sang SM city. Suno kay Jimena, magastuhan ang siyudad kun sa Boulevard hiwaton ang fireworks competition bangud maga-arkila pa sang mga barge samtang sa SM city, magluwas nga indi na kinahanglan ang barge kag malapad ang lugar, may mga sponsor na nga nakuha ang City Government.

Madamu sang dugang nga attraction ang masaksihan sa palaabuton nga dinagyang festival 2010. GINPAHAYAG ni Ben Jimena sang Iloilo City Tourism Office sa launching sang Dinagyang Festival 2010 magabulig ang mga choreograhers kag National Commission for the Culture and Arts para sa dugang nga talan-awon sa dinagyang. Ginconfirmar ni Jimena may idugang sila nga dinagyang dance festival sa schedule sang semana sang dinagyang 2010 .Naglab-ot na sa 12 ka tribu ang opisyal nga nabaton para magapaindis-indis sa Ati-Ati contest sa palaabuton nga kahiwatan. Suno kay Jimena dugang nga 15 pa ka tribu ang ila pili-on nga magabug-os sa mga constestants.

Igalunsar ang bantugon nga Dinagyang Festival 2010 sa Octobre 16, Biernes sa Iloilo Freedom Grandstand. Pangunahan ang launching sang motorcade alas 2 sang hapon halin sa Plaza Libertad sa City Proper kag magalibot sa mayor nga mga dalanon sang Molo, Jaro via Diversion Road pakadto sa La Paz kag magatapos sa San Jose Church. Dunganan sang magahod nga tunog sang mga drums ang motorcade. Magaupod sa motorcade ang mga organizers, participants kag sponsors sang Dinagyang 2009, Iloilo Dinagyang Foundation Inc. ( IDFI ). City Tourism and Development Office, City Government, San Jose Parish , Iloilo City Tourism Council kag Department of Tourism. Alas 4 sang hapon may misa sa San Jose Parish Church . Alas 5 sa hapon may press conference kag programa sa Iloilo freedom grandstand.