ILOILO — Patay ang driver samtang pilason ang iya angkas sang naglapaw sa karsada kag nakabunggo sa railings sa Barangay Mangorocoro, Ajuy sang Disyembre 11 sang kaagahon.
Suno kay Police Staff Sergeant Noel Demalinao, imbestigador sang Ajuy Municipal Police Station, papuli na kuntani ang driver nga si alyas Pao, 24-anyos upod sa iya angkas nga si alyas Jim, 18-anyos sang naglapaw sa karsada tungod ma-overtake kuntani sa ginasundan nga motorsiklo.
Patal nga pilas sa ulo ang gintunaan sang kamatayon ni Pao samtang nakaagum sang gasgas sa nagkalain-lain nga parte sang lawas si Jim.
Wala sang suksok nga helmet ang mga sakay sang motorsiklo sang naaksidente. — Aksyon Maria Kayla Tingzon
