ILOILO — Patay ang driver sang Honda Click samtang pilason ang nagamaneho sang Rusi 125 sang nakabunggo sa naka-park nga van sa kilid sang dalan sa Barangay Iwa Ilaya, Pototan las-10:30 kagab-i.
Suno kay Police Captain Princess Stephanie Gumaro officer-in-charge sang Pototan Municipal Police Station, nagpanaug ang driver sang van tungod may ginbakal sa tiyangge pero wala naka-hazard ang van.
Madasig ang padalagan sang Rusi 125 amo nga nakabunggo sa van.
Nagasunod naman ang Honda Click nga nakabunggo sa natumba nga Rusi 125.
Pareho nga wala sang helmet ang duha ka mga drivers.
Papuli kuntani sa Barangay Libo-o, Dingle ang 32-anyos nga driver sang Rusi sa Barangay Tigib, Dingle samtang sa Barangay Libo-o, Dingle naman ang 46-anyos nga nagamaneho sang Honda Click.
Detained sa police station ang driver sang van samtang ginahulat ang desisyon sang mga biktima kon mapasaka sang kaso. — Aksyon Maria Kayla Tingzon
