ILOILO— Isa ang patay samtang isa ang pilason sang natumba ang motorsiklo sa Sara Road, Brgy. Poblacion Ilawod, Passi City la-1:30 subong nga hapon.
Suno kay Police Master Sergeant John Hersley Fajardo, imbestigador sang Passi City Police Station, papuli na kuntani sa San Enrique ang 15-anyos nga driver sang motorsiklo nga si alyas Kent kag angkas niya nga si alyas Van, 15-anyos man.
Sa imbestigasyon sang pulis, nagpondo na ang motorsiklo sa unahan nanday Kent tungod may naga-u-turn nga elf truck sa unhan.
Ginpabutyag ni Fajardo nga nag-overtake ang motosiklo ni Kent sa nagpondo nga motorsiklo pero na-alang-alang kag nagtumba.
Tungod sini, nagtabog ang angkas sang motorsiklo tungod wala nakapreparar gani ginhingagaw dala sa ospital pero gindeklarar nga dead-on-arrival.
Napilasan man sa tiil ang driver sang motosiklo nga si Kent.
May suksok nga helmet ang driver pero wala sang suksok nga helmet ang naga-angkas, suno sa pulis. — Aksyon Farrah Mae Morano
