1 patay 2 pilason sang nabungguan sang pick-up ang motorsiklo sang magpakaisa sa San Miguel

ILOILO — Isa patay kag duha ang pilason sang nabungguan sang pick-up ang motorsiklo nga ginasakyan sang magpakaisa sa Barangay Igtambo, San Miguel kagab-i.

Ginkilala ang napatay kay Jumir Maxim Calabio, 24-anyos, samtang pilason ang utod niya nga si Jimmy Lenard Calabio, 20-anyos, kag pakaisa nga si River John Calabio, 22-anyos.

Nagpalagyo pa ang driver sang Isuzu D-max nga si Jezan Ortiz sang Poblacion, Alimodian pero nadakpan sa hot pursuit operation.

Pursigido naman nga magpasaka sang kaso ang pamilya sang mga biktima batok sa driver sang pick-up.