ILOILO — Pulo (10) ka mga aksidente sa salakyan ang na-record sang New Lucena police nga natabo sa Bangga Dawis, New Lucena sang nagligad nga tuig.
Sa amo nga numero, isa diri ang napatay kag walo ang napilasan.
Sa data sang New Lucena Police Station, ang mga salakyan nga involved amo ang:
1. Motorsiklo – 9
2. Tricycle – 3
3. Pick Up – 2
4. Awto – 1
5. Truck – 1
6. Trisikad – 1
Suno kay Police Lieutenant Cosmeflor Marco, Jr., hepe sang New Lucena Police Station, kalabanan sa mga rason sang disgrasya amo nga pangayaw ang driver, madulom ang area kon gab-i, kag kulang sa signages.
Una na gintawag 2nd District Board Member June Mondejar nga “legendary vehicular accident-prone area” ang Bangga Dawis nga intersection sa tunga sang national roads nga halin sa Zarraga pa-Pototan kag halin sa New Lucena pa-Dumangas.
Tungod sini, nagpasar siya sang duha ka resolution nga nagapanawagan sa DPWH kag ILECO II nga dugangan sang suga kag warning signages ang amo nga intersection. — Aksyon Kikik Enar
