1 patay sang nakabunggo ang tricycle sa 10-wheeler truck sa Passi City

ILOILO — Patay ang driver sang tricycle sang nakabunggo sa 10-wheeler truck sa Brgy. Gines Viejo, Passi City kagab-i.

Suno kay Police Senior Master Sergeant Jervin Palec, imbestigador sang Passi City Police Station, pakadto sa proper sang Passi City ang tricycle sang nakabunggo sa kasugata nga 10-wheeler truck.

Sa pagpangusisa sang Aksyon Radyo Iloilo, madasig ang pagpadalagan sang driver sang tricycle nga gindeklarar dead-on-arrival sa ospital.

Detained sa Passi City Police Station ang driver sang truck. — Aksyon Paula Elambayo