Nag-request ang Iloilo City Police Office (ICPO) sa Iloilo City Government nga magpasar sang resolution nga naga-request sa chief PNP para sa gunban sa Dinagyang Festival.
Ini suno kay ICPO spokesperson Major Shella Mae Sangrines.
Ang Gun ban ukon suspension sang permit to carry firearms outside residence ang gina-request sang ICPO para sa “gun free Dinagyang.”
Pulo ka adlaw ang gina-request sang ICPO halin las-12:01 sang kaagahon sang Enero 15 tubtob las-11:59 sa gab-i sang Enero 25.
Parte ini sang security measures nga ginahimo sang ICPO para sa safe nga pagselebrar sang Dinagyang subong nga tuig. — Aksyon Marvin Malificiar
