Nagpositibo ang 10 ka mga drivers nga halin sa nagkalain-lain nga mga terminal sa Western Visayas sa Oplan Harabas sang Philippine Drug Enforcement Agency (PDEA 6) sang Holy week.
Sa amo nga numero, apat ka taxi drivers nga halin sa tatlo ka mga terminal sa Iloilo ang nagpositibo sa drug test, duha ang halin sa Dumangas port, isa sa Tagbak terminal kag isa man ang halin sa Iloilo International Airport.
Samtang, duha ka tricycle drivers ang nagpositibo halin sa Culasi Terminal sa Antique.
May mga drivers man sa Capiz kag Kalibo nga nagpositibo sa drug test nga ginabug-usan sang mga tricycle drivers kag jeepney drivers.
Ang Oplan Harabas tuigan nga ginahimo sang PDEA 6 agud ma-monitor ang mga drivers nga nagagamit sang illegal drugs. — Aksyon Angel Mae Ciudad
