10 ka tuig nga bata nga lalaki nalukpan sang boga sa Cabatuan

ILOILO — Napaso ang amimilok sang 10 ka tuig nga bata sa Cabatuan sang nalukpan sang boga sang December 21 sang hapon.

Ini ang ginkumpirmar ni Police Captain Aileen Lacrite, hepe sang Cabatuan Municipal Police Station.

Suno sa hepe, ginlingling sang bata ang buho sang boga tungod wala naglupok.

Nagpangabay ang Cabatuan police sa mga ginikanan nga bantayan gid sang maayo ang ila mga bata nga indi maggamit sang boga.

Ang boga ang isa mga ginabawalan nga palupok tungod nga delikado. — Aksyon Angel Mae Ciudad