Ginpasiguro ni Iloilo Police Provincial Office (IPPO) Spokesperson Police Major Rolando Araño nga 100% na nga preparado ang kapulisan para sa pagbantay sa piyesta minatay sa Nobyembre 1 kag 2.
Suno kay Araño, ipahamtang ang police assistance desk kag police patrollers agud wala sang mabiktima sa ano man nga krimen samtang nagabisita sa sulod sang mga sementeryo.
Maga-deploy man ang IPPO sa pila ka parking area, seaports kag terminals.
Magabulig ang mga barangay officials kag tanod nga magabantay kag magalibot sa mga sementeryo suno kay Araño
Nagsugod na sang Oktubre 21 ang security coverage sang kapulisan kag magatakop sa Nobyembre 3.
