ILOILO — Pilason ang 11 ka mga indibidwal sang nahulog sa higad sang karsada ang truck nga ila ginasakyan sa Brgy. Compo, San Enrique kahapon, Agosto 20.
Suno kay Police Captain Airel Dawn Parcon, officer-in-charge sang San Enrique Police Station, base sa ila inisyal nga impormasyon, halin sa Cabas-an Cold Spring ang mga sakay sang truck.
Masaka kuntani sila sa viewing deck apang sang nagapataklad na ang truck, napatay ini kag nag-us-os tubtob nga nadulaan sang control ang driver.
Nagapadayon pa ang imbestigasyon sang police kun pila tanan ang sakay sang truck kag kun ano na ang status sang mga napilasan.
