Pagkaguba sang mga balay ang mayor nga nangin epekto sang Bagyo Tino sa probinsiya sang Iloilo
Sa 9PM nga situationer report sang Provincial Disaster Risk Reduction and Management Office (PDRRMO), naglab-ot na sa 120 ka mga balay ang partially damaged samtang 10 ang totally damaged tungod ginpangpalid sang hangin ang mga sini kag porsyon sini subong man ang mga nagkalatumbahan sang kahoy.
Lakip sa mga banwa nga may na-record nga nagkalaguba nga mga balay ang San Enrique, Lemery, Maasin, Batad, New Lucena, Cabatuan, Janiuay, Pavia, Pototan kag Leganes.
Yara sa 28,336 ka mga pamilya ukon 88,193 ka mga indibidwal ang apektado sang bagyo.
