ILOILO — Yara na sa 13 sa 25 ka mga barangay sa Estancia ang ginabaha tungod sa wala untat nga ulan halin kahapon kaina sang udto dala sang Tropical Storm Ramil.
Suno kay Mr. Almir Dela Cruz, responder sang Estancia Municipal Disaster Risk Reduction Management Office (MDRRMO), wala makapangaman ang mga residente halin sa ila flood prone barangays tungod wala gilayon sang may napaguwa nga advisory may kaangtanan sa epekto sang bagyo sa ila lugar.
Las-6 kagab-i, nagpatuman sang forced evacuation sa mga residente nga apektado sang pagbaha.
Naglab-ot na sa 188 ka mga indibidwal ang gin-evacuate.
Kalabanan sa mga apektado sang baha ang halin sa Barangay Cano-an. — Aksyon Maria Kayla Tingzon
Nakahanda naman ang mga bulong kag foodpacks nga ginapanagtag sa mga evacuees.
