15-anyos nga dalagita patay sang nalumos sa suba sa Calinog

ILOILO — Dead-on-arrival sa ospital ang 15-anyos nga dalagita nga nalumos sa Barangay Guiso, Calinog mga la-1:49 subong nga hapon.

Suno kay Mr. Rodolfo Valencia, head sang Calinog Municipal Disaster Risk Reduction and Management Office (MDRRMO), mga las-2:45 sang nakit-an ang dalagita mga 200 meters halin sa iya ginlumsan.

Ginsunod sang mga rescuers ang current sang tubig kag didto may nakapkapan sila sa dalom nga amo na ang dalagita.

Sa impormasyon, naghagaray ang dalagita kag iya mga abyan nga magpaligo sa suba pagkatapos sang klase. — Aksyon Maria Kayla Tingzon