ILOILO CITY — Nagalakat ang 15-anyos nga solterito sang ginlampusan sang tubo sang wala pa makilal-an nga indibidwal sa Arevalo Plaza kahapon sang hapon, pebrero 4.
Suno sa solterito nga si Kyle, nagalakat sila sang iya duha ka mga abyan sang gulpi siya ginlampusan.
Nagaduko siya gani wala niya makita ang histura sang nagpanglampos.
Suno sa mga nakakita nga sa una nga pagpanglampos, na-igo sa baba ang solterito.
Liwat naman siya nga ginlampusan sa ulo gani natumba samtang nasagang niya ang ikatatlo nga pagpanglampos.
Madasig nga nakapalagyo ang naglampos sang tubo.
Suno naman kay Police Captain Michael Tuburan, officer-in-charge sang Arevalo Police Station, may mga rumble na nga ginkaulamiran sang una ang solterito gani ginasundan nila ang anggulo nga nakontra niya ang nanglampos.
Nabulong na ang mga pilas sang solterito kag padayon nga gina-usisa sang kapulisan. — Aksyon Maria Kayla Tingzon
