ILOILO – Nakapasa na ang Land Transportation Franchising and Regulatory Board (LTFRB 6) sang listahan sang Public Utility Vehicles (PUV) nga makabaton sang fuel subsidy sa Western Visayas.
Suno kay Atty. Ma. Joscet Abellar, Chief sang Transportation Development Office (CTDO) sang LTFRB 6, yara sa 16, 347 units sang mga transport vehicles ang ila ginpasa sa central office para sa fuel subsidy.
Ginalakipan ini sang mga jeep nga traditional kag modernized, mga taxi, buses, shuttle buses kag tourism transport.
Direkta nga i-download sa mga fuel cards nga yara sa operator kag kooperatiba ang budget nga ihatag sa mga drivers.
Ginahulat na lang sang LTFRB 6 ang guidelines sa pag-release sang fuel subsidy halin sa central office. — Aksyon Angel Mae Ciudad
