ILOILO CITY — Indi pag-intiendihanay ang ginatudlo rason sa natabo nga rumble sa guwa sang Cubix bar sa Brgy. San Rafael, Mandurriao kahapon sang kaagahon, Disyembre 21.
Suno kay Police Captain Val Camble, hepe sang Police Station 10 sa Mandurriao, sa sulod pa lang sang bar, may indi na pag-intiendihanay sa tunga sang grupo sang mga suspek kag biktima nga si alyas Ja.
Natapna sang bouncer kag pulis ang gamo sa sulod sang bar, pero nakibot na lang sila sang may nagsumbaganay sa guwa sang bar tubtob nga nabun-an sa liug ang 19-anyos nga biktima.
Na-recover sang pulis ang kutsilyo nga nagalaba sang five (5) inches. Estable na ang kondisyon sang biktima sa ospital.
Nadakpan naman sa hot pursuit operation ang lima ka mga suspek kag natalana pasakaan sang kaso. — Aksyon Angel Mae Ciudad
