Arestado ang duha ka lalaki sang gin-report nagpangawat sang inugbulang nga manok sa Brgy. Guiso, Calinog sang kaagahon sang Mayo 15.
Sa report sang Iloilo Police Provincial Office, nag-report sa Calinog Police Station ang 33-anyos nga biktima nga ginkawat ang iya tatlo ka inugbulang nga manok sa iya balay sa Brgy. Malag-it.
Gilayon nag-conduct sang checkpoint ang Calinog police kag nadakpan ang duha ka suspek nga ginkilala kanday alyas Ren, 19-anyos kag alyas Ed 30-anyos lunsay taga-Tapaz, Capiz.
Samtang, nakapalagyo ang isa pa ka suspek nga padayon ginapangita sang kapulisan.
Na-recover sa mga suspek ang tatlo ka inugbulang nga manok nga nagabalor sang P15,000.
Dugang nga na-recover ang pusil kay alyas Ed samtang kutsilyo ang na-recover kay alyas Ren.
Preso sa Calinog Police Station ang mga suspek kag natalana pasakaan sang kaso. — Source: IPPO
