ILOILO CITY — Dakup ang solterito kag 23-anyos nga babaye sa drug buy bust operation sa Project 2 Brgy. Sooc, Arevalo kagab-i, Sept. 5.
Nakapalagyo ang 26-anyos nga si alyas Fred nga main subject sang namutikan nga police ang iya ka-transaksyon.
Suno kay Police Captain Roque Gimeno III, officer-in-charge sang CDEU, ginapakaon ni alyas Fred ang mga menor-de-edad sa ila lugar agud magserbe nga runner sa ilegal nga transaksyon.
Sa pagpangusisa sang police, involved sa mga kinagamo sa barangay si Fred. Nagabalor sang P340,000 ang mga na-recover nga suspected shabu sa subject.
At-large ang main subject. — Aksyon Paula Elambayo
