2 ka anay preso nakuhaan sang P1.3 million nga suspected shabu sa drug buy bust sa Sto. Niño, Arevalo

ILOILO CITY — Lunsay na preso may kaangtanan sa illegal drugs ang duha ka mga nadakpan sa drug bust operation sa Brgy. Sto. Niño Norte, Arevalo kagab-i.

Sa monitoring sang Regional Police Drug Enforcement Unit (RPDEU) 6, 2017 sang na preso si alyas Agi nga taga-Janiuay kag alyas Christopher nga taga-San Joaquin.

Suno kay Police Major Marvin Villanueva, deputy chief sang RPDEU 6, nagdugay sang pila ka bulan ang monitoring sa mga subject tungod nagasaylo-saylo sang ginatiniran.

Dugang pa sang pulis, nagkilalahay ang duha sa sulod sang presuhan kag sang nakaguwa liwat nga nag-engage sa illegal drugs.

Ginbuyagyag sang mga nadakpan nga nagahalin ang supply sang illegal drugs sa Iloilo City kag ginabaligya sa mga kaiping nga kabanwahanan.

Na-recover ang P1,394,000 nga balor sang suspected shabu kag nagabug-at sang 205 grams. — Aksyon Paula Elambayo