ILOILO — Naglab-ut sa P540,000 ang ginbilin nga kahalitan sang nasunog ang duha ka balay sa Brgy. PD Monfort North, Dumangas pasado las-10 kaina sang aga.
Suno kay Senior Fire Officer 2 Yulen Demagajes, chief investigator sang Bureau of Fire Protection—Dumangas, padayon nga gina-imbestigaran ang ginhalinan sang kalayo nga nagsunog sa duha ka balay.
Isa ang totally-damaged samtang isa ang partially-damaged nga balay.
Nagatipon sang ebidensya ang BFP-Dumangas agud matul-id ang ginhalinan sang kalayo.
Wala sang may napilasan sa insidente. — Aksyon Paula Elambayo
