ILOILO — Totally burned ang balay samtang partially damaged ang isa pa sang nasunog sa Barangay Hacienda Conchita, San Dionisio kahapon sang kaagahon, Agosto 3.
Suno kay FO2 Joey Aguilar, arson investigator sang San Dionisio Municipal Fire Station, nakabugtaw ang isa sa mga naga-istar sa balay nga totally burned tungod may nabati-an siya nga nagasirit nga kuryente.
Nakaguwa naman sila sang iya nga utod antes pa man nagdaku ang kalayo.
Dugang ni Aguilar, wala gilayon makatawag sang bumbero ang mga residente tungod nag-panic na sila.
Kasilingan pa sang mga nasunugan ang nagtawag sa police kag ila man gin-forward ang impormasyon sa personnel sang fire station, suno kay Aguilar
Naglaton ang kalayo sa kaiping nga balay nga ginapanag-iyahan sang isa pa ka utod sang naga-istar sa balay sa diin nagsugod ang kalayo.
Wala sang napilasan sa insidente.
Padayon pa nga gina-imbestigaran sang mga bumbero ang ginhalinan sang kalayo. — Aksyon Maria Kayla Tingzon
