ILOILO – Duha ka balay ang totally damaged sang nasunog pasado las-3 kahapon sang hapon, Marso 16, sa Sitio Tuburan Brgy. Igtambo, San Miguel.
Suno kay FO1 Sheny Rose Tabuga, public information officer sang Bureau of Fire Protection-San Miguel, naglab-ut sa P2.1 million ang kahalitan sang sunog.
Suno sa mga residente nga nakakita, nag-umpisa ang kalayo sa kusina sang balay nga ginapanag-iyahan ni Cheryl Salarda.
Madasig nga naglaton ang kalayo sa kaiping nga balay.
Wala sang may gin-report nga napilasan sa sunog.
Ginpahayag sang mga residente nga ginabanta sa 20 minutos pa sang nag-abot ang mga bombero.
Gindeklarar nga fire-out las-4:16 sang hapon. —via Paula Jane Elambayo
