Ginpasaka na sang DSWD paagi kay Secretary Rex Gatchalian ang kaso sa Ombudsman batuk sa 12 ka opisyal sa Iloilo City nga ginreklamo nagbuhin sa ayuda sang mga Assistance to Individuals in Crisis Situation (AICS) beneficiaries.
Sa listahan nga nakuha sang Aksyon Radyo Iloilo, halin sa Jaro kag Arevalo ang mga barangay officials nga ginkasuhan. May duha man ka personnel halin sa City Hall nga nadalahig.
Yari ang mga ngalan sang mga ginpasakaan sang kaso administratibo:
1.Punong Barangay Gina Elauria — Taytay Zone ll, Jaro
2.Kagawad Jingjing Pineda — Taytay Zone II, Jaro
3.Punong Barangay Amadeo Sultan — Simon Ledesma, Jaro
4.Punong Barangay Visamin Cañal — Quezon, Arevalo.
5.Punong Barangay Remedios Bedia- Lanit, Jaro
6.Kagawad Huntado – Lanit, Jaro
7.Kagawad Gonzales- Lanit, Jaro
8.Punong Baranagay Rizaline Delmo- Quintin Salas.
9.Kagawad Victoria Rowel- Quintin Salas
10.Janicol Dizon- City Hall Personnel
11.Jobert Lim- City Hall Personnel
12.John Doe- Kagawad Simon Ledesma
13.John Doe- Kagawad Quezon Arevalo
14.John Doe- Barangay Treasurer – Simon Ledesma.
“This is I think the first type of case na marami. Mukhang systemic ‘yung proseso nila, na inaabangan nila ‘yung mga benepisyaryo, kalat-kalat sa iba’t-ibang barangay pero isang klaseng taripa ‘yung ini-impose nila kaya nabuking sila this time,” suno kay DSWD Secretary Rex Gatchalian.
Gin-ako ni Gatchalian nga madugay na nga may nagareklamo nga ginabuhinan ang ila nabaton nga ayuda halin sa DSWD. Pero ini ang una nga tion nga may nagpangisog nga ibutang sa affidavit ang reklamo gani nga nakapasaka sang kaso.
“Paninindigan ito ng DSWD at hinihiling namin sa Ombudsman na imbestigahan at kung kakailanganin [na] mag-preventive suspension at karagdagan pang mga parusa,” dugang pa ni Gatchalian.
Magluwas sa Ombudsman, may i-file man nga criminal case sa korte batok sa nasambit nga barangay officials.
