ILOILO — Nagtinapungulay ang duha ka grupo sang mga pamatan-on sa Brgy. Poblacion, Leon, pasado las-12:00 kaina sang kaagahon.
Suno kay Police Staff Sergeant Edsel Edlang, imbestigador sang Leon Municipal Police Station, may daan nga hiligut-anon ang mga involved sa insidente.
Duha ka grupo ang na-involved nga naghalin sa Brgy. Ingay nga may pito ka miyembro samtang anum naman sa Brgy. Bucari.
May mga menor de-edad nga involved man sa insidente apang wala mahibaluan kon diin naghalin nga barangay tungod nagpalagyo.
Sa panaysayon sa pulis sang taga Brgy. Ingay nga si alyas Dar-29-anyos, matambag lang siya kuntani apang ginsumbag siya sang taga-Bucari kag ginhampak sang matig-a nga bagay.
Ipatawag sa barangay ang tanan nga involved sa insidente suno kay PSSG. Edlang. — ARI trainee Robert Nietes
