ILOILO CITY — Nadakpan sa police checkpoint sa Infante, Molo ang duha ka lalaki nga naga-angkasanay sa motorsiklo sang nakuhaan sang suspected illegal drugs kaina sang udto.
Suno kay Police Captain Benjie Dicen sang Molo Police Station, nakita nila nga nagapang-alang alang sa pagpalapit sa checkpoint ang duha ka lalaki tubtob nasiplatan nga may ginlupot sa iya baba ang backrider sang motorsiklo.
Sang gina-estorya sang pulis ang backrider nga si Al Joseph Gonzales, 20-anyos sang Valeria Street, City Proper nalu-ad niya ang plastic sachet sang suspected illegal drugs.
Ginkilala naman ang driver sang motorsiklo kay Lester Penafiel, 24-anyos sang Sooc, Arevalo.
Tungod sini, gin-aresto ang duha.
Nagpamalibad na nga maghatag sang pahayag ang duha ka suspetsado.
