ILOILO CITY – Pilason sanday Benjie Espinosa kag First Espinosa sang gintiro sa Barangay Monica-Blumentritt, City Proper kagab-i, Enero 8.
Sa pagpangusisa sang Aksyon Radyo Iloilo news team, naga-inom ang duha sang gintiro sang nakasakay sa motorsiklo.
Suno naman sa isa sa mga residente sang Monica-Blumentritt, nakabati siya sang isa ka lupok antes nakita nga duguon ang duha.
May pilas sa tiyan si Benjie, samtang may pilas sa batiis si First. Luwas naman sa katalagman ang duha, suno sa ila mga himata.
Nagapadayon ang imbestigasyon sang police sa identity sang suspek.
