ILOILO CITY — Natumba ang duha ka poste sang MORE power sang nabungguan sang awto sa Brgy. Bito-on, Jaro mga las-11:50 kagab-i.
Suno kay Police Master Sergeant Jeffrey Janay sang Traffic Enforcement Unit sang ICPO, halin sa Leganes ang driver kag papuli na kuntani sa Oton sang napiyungan rason nga nakabunggo sa poste.
Wala nagapanimaho sang makahulubog nga ilimnon ang driver, suno sa police.
Gindala sa ospital ang driver tungod may mga bagras sa liog kag paa.
Tungod sini, naka-eksperyinsiya sang power interruption ang portion sang La Paz feeder 2.
