Nahulog halin sa barko ang 20 ft. nga container van sa Iloilo International Port sa Loboc, Lapuz pasado las-2 kahapon sang hapon, July 26.
Suno kay Commander Paterno Belarmino Jr., station commander sang Philippine Coast Guard Iloilo, halin sa Manila ang barko nga ginakargahan sang container van. Gina-ariya na kuntani ini sang crane halin sa barko sang hinali nga nahulog tungod sa mamadlos nga hangin.
May unod nga mga furniture ang container van nga ginpanag-iyahan sang Moreta Cargo Company.
Sa subong yara pa sa dagat ang container van kag ginabanta sa 300 meters ang kalayuon sini sa Dumangas Port.
Buwas pa i-pull out sa dagat ang container van tungod ginahulat pa nga magta-ob para maglutaw ini, suno kay Belarmino.
