ILOILO CITY — “Lampas tuhod” ang lebel sang tubig baha sa Brgy. Sto Domingo, Arevalo.
Ini tungod sang wala untat nga pag-ulan tungod sa habagat nga ginpabaskog sang Super Typhoon “Nando.”
Suno kay Punong Barangay Larry Lorenzo sang Brgy. Sto. Domingo, Arevalo, 20 ka pamilya ang sang informal settlers malapit sa suba ang apektado.
Dugang ni Lorenzo, ginhingyo na ang mga pamilya nga mag-evacuate apang wala nagapati.
Napreparar naman ang barangay hall nga magaserbe evacuation center sang mga apektado.
Nagpanagtag man sang food assistance ang barangay kag City Social Welfare and Development Office.
May naka-standby nga barangay officials agud i-monitor ang sitwasyon sa area. — ARI trainee Robert Nietes
