Iloilo City: 9 ka personalidad, posible madala sa kaso may kaangtanan sa anomaliya sa Iloilo Terminal Market

By: Aine Grace Bravo

Siyam ka mga personalidad ang posible madalasa sa kaso kriminal kag administratibo nga ipasaka may kaangtanan sa ginpahayag anomaliya sa Iloilo Terminal Market.

Apang subject pa ini sa review sang Committee on Markets and Slaughterhouse sang City Council kag bilog nga konseho. Suno kay Kagawad Plaridel Nava, vice chairman sang komitiba, kon basehan ang circumstantial evidence na-establisar nga gina-ulamiran sang may matag-as nga posisyon sa merkado kag siyudad ang money trail. Posible subong nga bulan suno kay Nava mapaguwa ang resulta sa imbestigasyon sang komitiba.

Kahapon, hiwaton kuntani ang final hearing sa diin tatlo ka mga resource persons ang ginpatawag. Apang lunsay wala nagtambong ang mga gin-imbitar kabangdanan nagdesisyon ang komitiba nga tapuson ang imbestigasyon agud makapadayon sa iban pa nga mga merkado sa siyudad.