Estancia: Pulis nga nagpalupok sang pusil sa videokehan sa Brgy. Bayuyan, ginpaidalum na sa paraffin test!

By: Jocelyn Gelloagan-Maque

Gin-paraffin test na si police officer 1 Argie Esico, assigned sa Estancia PNP kag ginpaidalum man sa ballistic examination ang iya service firearm nga 9 mm pistol glock 17.

Ini nga tikang suno kay Chief Inspector Lorenes Losaria, hepe sang Estancia PNP kasunod sang pagpalupok sang pusil ni Esico sa Indang Talabahan and KTV Bar sa Barangay Bayuyan.

Sa pagpalupok ni Esico, napilasan si Giovanni Katipunan sa tiil samtang ang iya utod nga si Rolando ang may pilas sa tuo nga abaga kag Ricky Fiebre nga kibyas ang pilas sa ulo, lunsay sang Passi City.

Suno kay Losaria, posible naakig si Esico sang nagkadlaw sanday Fiebre kag mag-utod nga Katipunan pagkatapos sang iya kanta kag nagapati nga gina-insulto siya kabangdanan nga nagabot sang pusil kag ginpangtiro ang mga biktima.

Ginpahayag nga naga-escort kon kaisa si Esico kay Mayor Rene Cordero kon may kaladto-an ang alkalde.