Antique: Vice Gov. Rhodora Cadiao, nagapanawagan sa pumuluyo sang probinsya nga maghimo sang transaksyon sa iya

By: Aine Grace Bravo

Nagpanawagan si Antique Vice Governor Rhodora Cadiao sa mga pumuluyo sang probinsya nga sa iya magpalapit kon may transaksyon sa provincial capitol.

Kasunod ini sang pagpanumpa ni Cadiao bilang gobernador sang probinsya bisan wala pa ginserbe sa iya sang DILG ang gin-isyu nga writ of execution sang Commission on Elections. Sa report ni Jun Fagutao, correspondent sang Aksyon Radyo Iloilo sa Antique, nagalibog ang ulo sang mga pumuluyo sa probinsya kon diin sila mapapirma sang mga dokumento bangud duha ang nagapungko nga gobernador.

Nagbalibad nga magpanaug sa pwesto si Governor Exequiel Javier bangud wala pa madesisyunan sang Korte Suprema ang iya gin-file nga petition for temporary restraining order matapos gin-disqualify sa paglapas sang Omnibus Election Code.

Ginpahayag nga naga-opisina sa old capitol building sang Antique si Cadiao samtang sa new capitol building naman si Javier. Una na ginpabutyag sang DILG nga si Javier gihapon ang ginakilala nila nga gobernador bangud wala pa nadeklarar nga bakante ang iya posisyon.

About Post Author

Aksyon Radyo Iloilo 720Khz

admin@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %