Iloilo City: Mga pasahero, ginpanugyanan nga magpalab-ot sang reklamo angut sa mga driver nga naga-overcharge sang sukot sa pletehan!

By: Jocelyn Gelloagan-Maque

Ginpanugyanan ni Iloilo City Loop Alliance of Jeepney Owners and Drivers Association (ICLAJODA) President Boyet Parcon ang mga pasahero nga magpalab-ut sang reklamo sa ila kon may salawayon nga driver nga naga-overcharge.

Ginpahanumdom ni Parcon ang drivers sang depasahero nga mga jeep sa syudad nga dapat nakatapik na gid ang certification on fare reduction sa tupad sang daan nga fare matrix agud makalikaw sa daku nga multa kon madakpan sang LTFRB ukon LTO.

Samtang dapat suno kay Parcon nga magreklamo ang mga pasahero kon nagapanukot gihapon sang daan nga rate ang driver agud nga madisiplina.

Sa bag-o nga rate, 7 pesos na lang ang plete sang regular nga pasahero kag 5.50 sa mga estudyante, senior citizens kag persons with disabilities.