Iloilo: Pagkapatay sang 20-anyos nga lalaki bangud sa rabies infection, ginka-alarma sang Provincial Health Office
Read Time:38 Second
By: Aine Grace Bravo
Ginka-alarma sang Iloilo Provincial Health Office ang una nga casualty sang rabies sa probinsya subong nga tuig.
Base sa reports sang IPHO, napatay sa rabies infection ang 20-anyos nga lalaki halin sa Brgy. Tarong, Carles. Ginpahayag nga nakagat ang biktima sang layaw nga ido sang Nobyembre 11 sang nagligad nga tuig samtang nagasakay sa bisikleta. Nakitaan sang sintomas sang rabies ang biktima subong nga bulan kag napatay sang Pebrero 9.
Ang ginakahangawa sang IPHO bangud naghalin man sa nasambit nga lugar ang casualty sang rabies sang nagligad nga tuig. Bangud sini, nag-apelar si IPHO Head Dr. Ma. Socorro Quiñon sa mga residente nga indi pagpalagawon ang ila mga hinuptanan nga ido kag dapat nga ipa-immunize batuk sa rabies.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Nagabantay sa Angel’s Burger sa Ticud, La Paz ginhold-up
ILOILO CITY — Ginabanta P3,000 ang nakuha sang naghold-up sa nagabantay sa Angel’s Burger sa Brgy. Ticud, La Paz mga...
Average Rating