Iloilo City: Mga ginikanan sang mga estudyante sa Mandurriao Elem. School, indi mag-untat tubtub indi mapahalin ang ginareklamo nga principal!

By: Jocelyn Gelloagan-Maque

Indi mag-untat sa pagprotesta ang mga ginikanan sang mga estudyante sa Mandurriao Elementary School tubtob indi mapahalin ang ginareklamo nga principal nga si Dr. Lynette Trinidad.

Suno kay Mrs. Emily Tribunal, tubtob yara sa eskwelahan si Trinidad, magapadayon man ang ila pagprotesta bangud indi na maagwantahan ang pamatasan sini.

Ginbuyagyag man ni Mrs. Tribunal nga may plano naman nga ma-picket tubtob sa City Schools Division kun indi pa gihapon maaksyunan ang reklamo.

Suno pa sa mga ginikanan, ginapasa-pasa lang sila sang City Schools Division kag Dep-Ed Region 6 rason nga nahisugtan nila nga mag-picket sa lunes alas 12:30 sang udto tubtob ala 1:30 sa hapon.

Si Dr. Trinidad ang gin-alegar naghambal sa mga estudyante nga mangin prostitute kag trisikad driver man lang sa ila pagdaku.