Iloilo City: Mga taxi drivers kag operators sa Iloilo, mapasa sang petition agud hinyuon ang pagbawi sa 10 ka pesos nga buhin sa flag down rate

By: Jocelyn Gelloagan-Maque

Nagpasa sang petition sa LTFRB 6 ang mga taxi drivers kag operators sa Iloilo agud hingyuon nga bawion ang mandu nga panubuan sang P10 ang flag down rate.

Suno kay Mr. Toto Baculado sang North-South Baluarte Taxi Drivers Association (NOSOBATADA), hatagan nila sang kopya ang ila national association agud mapalab-ut sa LTFRB Central Office ang hingyo sang mga drivers kag operators sa Iloilo.

Una na ginpahayag ni Baculado nga apektado gid ang kita nila nga mga drivers bangud sa gulpiyada nga mandu sang LTFRB.

Gin-athag pa ni Baculado nga wala gid sang nagpabor nga operator ukon driver sa petition ni Negros Oriental Representative Manuel Iway nga panubuan sang 10 ka pesos ang flag-down rate sang mga taxi.