November 27, 2021

Iloilo City: 1 pilason sa maduguon nga buybust operation sang PDEA 6

Read Time:1 Minute, 0 Second

By: Aine Grace Bravo

Nangin maduguon ang drug bust operation sang Philippine Drug Enforcement Agency (PDEA) 6 sa Tabuc Suba, Jaro kahapon.

Isa ang napilasan sa running gun battle sa tunga sang mga suspek kag operatiba sang PDEA halin sa Jaro pakadtu sa Pavia. Ginpahayag nga nakasakay sa Hi-Lux pick-up ang mga suspek samtang ginatiro kag ginalagas sang PDEA operatives nga nakasakay naman sa Toyota Innova.

Napilitan nga magdulog ang salakyan sang mga suspek pag-abot sa taytay sang Pagsanga-an, Pavia bangud sang flat nga goma. Nadakpan kag napilasan ang driver nga si Romir Magno, 31-anyos sang Brgy. Ilawod, Sara kag nadakpan man ang main subject sang drug bust nga si Nate Belloga, 30-anyos sang Fatima Village, Tagbak, Jaro kag miembro sang Tau Gama Fraternity.

Nakuha sa sulod sang salakyan ang 13 ka plastic sachets sang suspected shabu, isa ka slug sang 45 kalibre nga pusil, digital weighing scale, duha ka CD plastic cases kag isa ka kahon sang sapatos. Ginapangita man sang PDEA ang mga plastic sachets sang suspected shabu nga ginpasuni ginhaboy sang mga suspek samtang nagadalagan ang ila salakyan.

Preso na sa karsel sang PDEA 6 ang duha ka suspetsado kag natalana kasuhan.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Iloilo City: Reporter sang local daily, nagreklamo batuk sa taxi driver nga ginpahayag wala nagtuman sa mandu nga P10 flagdown rate reduction
Next post Iloilo City: LTFRB 6, nagpanindugan sa istrikto nga pagpatuman sang P10 nga provisional flag down rate reduction sa mga taxi wala sapayan sang Motion for Reconsideration sang mga operators