Guimaras: Trappist Monastery gift shop, ginkawatan!
By: Jocelyn Gelloagan-Maque
Wala pa mahibaloan kon pila ang kantidad nga nakuha sang mga kawatan nga nagsulod sa Trappist Monastery gift shop sa Barangay San Miguel, Jordan, Guimaras.
Natalopangdan kaina sang aga sang monghe nga si Orly Villanant nga bukas na ang kaha kag wala na sang unod nga kwarta.
Ginpahayag ni Villanant nga ginsulod ang gift shop paagi sa pagbungkal sang pwertahan.